Die waterbehandelingsaanleg by die Rietvleidam in Tshwane-metro is reeds ’n jaar buite werking weens riool- en nywerheidsbesoedeling in die Rietvleirivier.
Die aanleg het voorheen sowat 5% van die Tshwane-metro se water voorsien en sal na verwagting eers in Maart of April volgende jaar weer werk.
Die Departement van Water en Sanitasie het strafregtelike klagte teen die Ekurhuleni-metro en sy watermaatskappy ingedien oor besoedelde afvalwater wat steeds in die rivier gestort word.
Die waterkenner dr. Anthony Turton het tydens ‘n onderhoud met die nuusdiens, Groundup, gewaarsku dat die land se rioolkrisis ’n ernstige bedreiging vir watersekerheid en die nasionale ekonomie inhou.
