Suid-Afrikaners het verlede jaar nagenoeg R2,4 miljard weens digitale bankbedrog verloor.
Die Suid-Afrikaanse Bank-risiko-inligtingsentrum sê meer as 110 000 voorvalle is aangemeld, met verliese wat met 29,2% gestyg het in vergelyking met 2024.
Banktoepassings was by sowat 89% van die aangemelde gevalle betrokke.
Misdaadbendes maak dikwels mense deur middel van bedrogoproepe en vals boodskappe bang of plaas hulle onder druk om geld oor te plaas.
Die publiek word gemaan om nooit PIN’s, wagwoorde of eenmalige wagwoorde te deel nie, en om verdagte versoeke deur amptelike bankkanale te verifieer.
