Die minister van die departement van bosbou, visserye en die omgewing, David Maynier, het die Grasveld Nasionale Park in die Oos-Kaapse hoogland amptelik afgekondig.
Die park beslaan uit 10 225,92 hektaar tussen Nqanqarhu en Rhodes.
Die gebied is ryk aan biodiversiteit en endemiese spesies en sluit die kritieke wateropvangsgebied van die Oos-Kaapse Drakensberge in.
Volgens die departement behou deelnemende grondeienaars hul eiendomsreg.
SANParke sê in ’n verklaring dat die nasionale park ook formele beskerming aan Suid-Afrika se grasveldbioom sal bied.
Suid-Afrika se grasvelde is as nasionale bewaringsprioriteit geïdentifiseer juis omdat dit as “waterfabrieke” beskou word. Grasvelde word oral in Suid-Afrika in die opvangsgebiede van riviere gekry.
SANParke neem die bestuur oor van hierdie vennootskap, wat met die hulp van die Wêreldnatuurfonds tot stand gebring is.
Maynier beskryf dié inisiatief as ’n baanbrekende mylpaal wat ekologie en landbou suksesvol saamsnoer.
“Die verklaring van die Grasland Nasionale Park is ’n belangrike stap in die beskerming van een van Suid-Afrika se minder beskermde biome en ’n strategiese waterbronlandskap. Dit toon ook hoe bewaring en versoenbare, produktiewe grondgebruik mekaar kan versterk deur middel van vrywillige, langtermyn-vennootskappe,” sê Maynier.
