18 November 2024
Suid-Afrikaanse gebruikers van die sosiale media-platform, TikTok, het in die bresse getree vir die geliefde, eg Suid-Afrikaanse melktert nadat die Amerikaanse kok, Martha Stewart dié resep op haar TikTok-platform gedeel, én herdoop het.
Stewart deel op dié platform verskillende resepte, en demonstreer ook stap vir stap hoe sy dit maak.
In die beskrywing van dié video, beskryf sy die tert as The official state pie of Indiana, en vra in haar opleiding: “wat nou beter as ‘n sny Desperation Pie kan wees?” Sy verduidelik dat sy dit ‘n sogenaamde Desperation Pie noem omdat vrugte nie in die vroeër jare volop gebruik is in terte nie omdat dit duur was.
Sy meen daar was egter genoeg melk, omdat daar baie beeste was.
Suid-Afrikaanse sosiale media-gebruikers het begin om kommentaar te lewer nadat ‘n video van die TikTok-gebruiker, Thabo Baloyi wyd versprei is waarin hy die Amerikaners daarvan “beskuldig dat hulle die melktert-resep gesteel het.”
Hier is haar video:
Stewart deel dan die resep op haar webtuiste. Hoewel die twee terte byna identies is in die bestanddele en metode is daar wel een groot, en belangrike verskil: Stewart se weergawe het géén kaneel nie.
Suid-Afrikaners het in egter Suid-Afrikaanse styl kommentaar gelewer op Stewart se video. Crystal Greeff-Katsini skryf: “I feel disrespected, all that is missing is a sprinkle of cinnamon on top. That’s milk tart tsek.”
Cidcinnabuns skryf: “South Africans Unite Here to defend the honour of our Milk Tart.” Nog iemand sê: “Miss Martha, here in South Africa this is called Milk tart and there’s nothing desperate about it.”
“Aunt, it starts with a version of our milk tart, tomorrow it is our malva pudding, melkkos, biltong, bunnychow, boerewors, chilibites, putupap, braaibroodjie, paptert, etc.”
Die video wat als begin het:
