23 Januarie 2025
’n Voormalige onderwyser en skoolhoof van Pretoria, Maartin Kotzè is op 13 Desember 2024 in hegtenis geneem op aanklagte van blootstelling van pornografie aan kinders.
Hy het op 24 Desember in die Pretoriase landdroshof om borgtog aansoek gedoen, wat toegestaan is.
Dít volg nadat daar in Augustus 2024 ’n klag by die polisie gelê is.
Na verdere ondersoek het verskeie slagoffers na vore gekom.
Kotzè se slagoffers was almal seuns tussen die ouderdom van dertien en agtien jaar.
Die saak word deur die Suid-Afrikaanse Polisiediens se eenheid vir reeks- en elektroniese misdade – SECI – ondersoek.
Die saak is tot 27 Maart vir verdere ondersoek uitgestel.
