16 Januarie 2025
Talle ouers van skoolgaande kinders is warm onder die kraag oor skryfbehoeftelyste wat van skole ontvang is wat items soos skoonmaakmiddels en toiletpapier vereis.
Verskeie skole vra verskeie items van ouers wat nie skryfbehoeftes is nie en ouers maak hulle stemme dik op sosialemediaplatforms.
Volgens Bronagh Hammond, die woordvoerder van die Wes-Kaapse onderwysdepartement, word skryfbehoeftelyste deur skoolbestuurspanne saamgestel op grond van elke graad of fase se spesifieke behoeftes.
Hammond het ouers aangemoedig om enige bekommernisse oor die lyste met die betrokke skool op te neem.
