17 Desember 2024
Die onderwysersvakbond, SADTU sê hy het sy regspan opdrag gegee om regstukke op te stel waarin hy eis dat artikels vier- en vyf van die BELA-wet in werking gestel word.
Volgens die vakbond se hoofsekretaris, dr. Muwena Maluleke kan die hofaansoek nie nou gebring word nie aangesien die hof in reses is.
Hy sê wanneer die hof vroeg in Januarie sy werksaamhede hervat moet SADTU se aansoek gereed wees om ingedien te word.
Die vakbond wil hê dat die president verplig moet word om die datum vir die implementering van dié twee artikels bekend te maak.
Intussen eis die Solidariteit Beweging dat die wet, ten opsigte van klousule vier en vyf verander moet word en beskou dit as ‘n aanval op Afrikaans.
