Hof verklaar belangrike deel van NGV as ongrondwetlik

Deur on

24 Junie 2022

Die Noord-Gautengse hoogeregshof in Pretoria het ‘n belangrike deel van die Nasionale Gesondheidsversekering (NGV) as ongrondwetlik verklaar.

Dit volg nadat die Noord- Gautengse hooggeregshof artikels 36 tot 40 van die Wet op Nasionale Gesondheid met koste ongrondwetlik verklaar het.

LEES OOK: MEERDERHEID VAN KOMITEELEDE STEM TEN GUNSTE VAN NGV

Die Solidariteit Beweging het die wet in die hof laat hersien. Volgens die beweging was die staat se doelwitte met hierdie artikels om die weg te baan vir die NGV en om te kompenseer vir die bankrotskap van die staatskas.

Die bestuurshoof van Solidariteit, dr. Dirk Hermann sê die regering wil beweeg na ’n stelsel waarin gesondheidsorg genasionaliseer word.

LEES OOK: SOLIDARITEIT LOODS PAIA-AANSOEK OOR NGV

“Artikels 36 tot 40 het bepaal dat gesondheidspraktisyns ʼn sertifikaat van behoefte vanaf die departement van gesondheid moet ontvang alvorens hulle ʼn praktyk in ʼn spesifieke area mag vestig.”

Hermann sê Solidariteit het in sy aansoek aangevoer dat die vereiste van ʼn sertifikaat van behoefte onregmatig inbreuk maak op gesondheidspraktisyns se reg om hul beroep te beoefen.

LEES OOK: PASOP VIR DIT WAT DIE STAAT WIL ‘GEE’

Solidariteit sê dat indien hierdie artikels in werking sou tree, dit as’t ware op die onteiening van gesondheidspraktisyns se ondernemings en eiendom sou neerkom en dat dit ten koste sou wees van sowel die praktisyns as diegene wat tans van hul dienste gebruik maak.


Current track

Title

Artist