17 Januarie 2025
Terwyl die DA-lid – en minister van basiese onderwys – Siviwe Gwarube met trots aangekondig het die 2024-matriekslaagsyfer van 87,3% is die hoogste in die land se geskiedenis is, sê haar party dat die reële slaagsyfer 53,6% was.
Die DA se woordvoerder oor basiese onderwys, Delmaine Christians, sê die departement van basiese onderwys se amptelike slaagsyfer neem net diegene in ag wat die matriekeksamen skryf.
Christiaans het haar stem by die koor van stemme gevoeg wat sê die syfers wat dié week aangekondig is hou nie rekening met die groot aantal leerders wat langs die pad uitval nie.
Van die nagenoeg 1,15-miljoen leerders wat in 2022 in graad tien was, het net meer as 705 000 in 2024 matriek geskryf.
Gwarube het tydens die bekendmaking van die uitslae gesê dat dit ‘n wanvoorstelling sal wees om te aanvaar dat al die leerlinge wat nie die eindeksamen geskryf het nie – uitgeval het.
