25 November 2024
Suid-Afrika het amptelik sy bedoeling aangedui om die Olimpiese- en Paralimpiese spele in 2036 aan te bied.
SASCOC se president, Barry Hendricks het tesame met die minister van sport, kuns en kultuur, Gayton McKenzie met die Internasionale Olimpiese Komitee by sy hoofkwartier in Lousanne – in Switserland – vergader.
Dit kom na McKenzie tydens die IOK se president, Thomas Bach, se besoek verlede maand aan Suid-Afrika reeds voelers uitgesteek het.
In hierdie voorlopige stadium behels die proses die uitvoer van ‘n omvattende uitvoerbaarheidstudie om die land se vermoë en geskiktheid om die spele aan te bied, te evalueer.
Die volgende Olimpiese Spele sal in 2028 in Los Angeles gehou word, met Brisbane in Australië wat aangewys is om die 2032-geleentheid aan te bied.
