Die Kruger-ewebeeld, wat op Erfenisdag vanaf die Voortrekkermonument na Orania vertrek het, het kort tevore sy regmatige plek op sy voetstuk ingeneem.
Dié beeld is die presiese replika van die standbeeld van die voormalige president van die Zuid-Afrikaansche Republiek, Paul Kruger, wat op Kerkplein staan.
“Oom Paul” het van Pretoria na plekke soos Rustenburg, Potchefstroom en Heilbron gereis – elk plekke wat ’n besondere betekenis vir die voormalige president van die Zuid-Afrikaansche Republiek ingehou het, en met die opvoering van NP van Wyk Louw se stuk Kruger breek die pad oop deur die Orania Kunsteraad gepaardgegaan het.
Die Kruger-ewebeeld sal voortaan op Orania se stadsplein staan. Die amptelike inhuldiging van die standbeeld vind op 10 Oktober plaas.
