Met die Paasseisoen om die draai, het die sjokolade maatskappy, Cadbury onlangs ‘n reuse Creme Egg bekend gestel.
Die sjokolademakers meen dit is die grootste Creme Egg waarvan hulle bewus is.
Dié sjokolade eier is veral gewild tydens paasfees. Dit is ‘n melksjokolade eier, gevul met ‘n soet, wit room. Volgens Cadbury staan dié eier so hoog soos ‘n keiser pikkewyn, en weeg dit nagenoeg 45 kilogram.
Dit het die sjokolademakers, Terry Collins en Dawn Jenks, twee en ‘n half dae geneem om die eier te maak. en gaan glo nie geëet mag word nie, hoewel dit 100% eetbaar is.
Die enigste deel wat nie eg is nie, is die foelie omhulsel wat geverf is – sekerlik omdat daar nié so ‘n groot stuk foelie beskikbaar was nie.
Die eier is tot 27 April te sien by Cadbury World in Birmingham, Engeland.
