7 Junie 2023
Die polisie het bevestig dat nóg ‘n liggaam op ‘n plaas – dié keer naby Standerton in Mpumalanga – gevind is.
Die 70-jarige Joseph Payne se liggaam is met skietwonde in sy huis aangetref.
Sy hande was met ‘n kabel vasgebind en ‘n selfoon, beursie, drie rekenaars, vuurwapens en ammunisie – wat vermoedelik aan Payne behoort het – is op die toneel gevind.
Die polisiewoordvoerder, kolonel Donald Mdhluli sê dit is nog nie duidelik hoeveel verdagtes op die toneel was nie en dat ‘n voorlopige ondersoek daarop dui dat die aanvallers moontlik deur die motorhuis toegang tot die huis kon kry.
Dit is die soveelste plaasaanvaal in die afgelope 10 dae.
