Vrou ontvoer, aangerand en vir dood agtergelaat

Deur on

25 Julie 2023

Die Mi7-nooddienste het ‘n 23-jarige vrou in die bosse in Pietermaritzburg, KwaZulu-Natal gevind twee dae ná sy na bewering ontvoer, aangerand en vir die dood agtergelaat is. 

Luidens ‘n verklaring van die nooddienste is die vrou by haar bewussyn, maar in ‘n kritieke toestand. 

Die woordvoerder van Mi7, Colin David, sê weens die wonde wat die slagoffer opgedoen het, blyk dit dat haar aanvallers probeer het om haar te onthoof.

David sê die slagoffer het aangedui dat sy Saterdagaand deur verskeie mans ontvoer is, maar dit is onduidelik waar sy ontvoer is. Sy is ook na bewering seksueel aangerand.

Volgens David kon die vrou twee dae later daarin slaag om die bosse te verlaat en na die kant van die Gladys Manzi-pad te beweeg, waar sy gevind is.

Die voorval word ondersoek en nog niemand is in hegtenis geneem nie.

KOOP NOU KAARTJIES – https://itickets.co.za/events/472390

Current track

Title

Artist