Transnet se stelsel weer gedeeltelik aanlyn

Deur on

28 Julie 2021

Goeie nuus vir in- en uitvoerders is dat Transnet se sogenaamde NAVIS-stelsel weer aanlyn is en deur kliënte gebruik kan word.

Die hawe-operateur gebruik die NAVIS-stelsel om die inligting oor die vraghouers mee te bestuur.

Transnet het sy kliënte laat weet dat die twee laaiplekke op die Durbanse hawe – die besigste vraghouerterminaal in die land – weer aanlyn is, en daar word aanvaar dat dit ook van toepassing is op die ander drie hawens in die land wat ‘n vraghouer-terminaal het.

LEES OOK: TRANSNET DEUR KUBERKRAKERS GETEIKEN

Hoewel die hawe-owerheid nog nie met vragmaatskappye deur middel van e-pos kan kommunikeer nie, maak hulle gebruik van teks-boodskappe.

Nóg ‘n stelsel wat deur die kliënte aanlyn gebruik word, die sogenaamde EDI, is nog nie in diens nie en daar word nog aan dié stelsel gewerk.

Transnet het bekend gemaak dat hy nie stoorgeld hef vir die tydperk wat vraghouers nie geskuif kon word nie.

Die hawe-operateur is sedert Donderdag lamgelê nadat kuberkrakers sy stelsel binnegedring het en hy nie met sy werksaamhede by die vraghouer-terminale kon voortgaan nie.

Hou Afrikaans op die lug

Klik hier


Current track

Title

Artist