“Regulasies is verby, maar die Covid-19-virus is steeds met ons,” sê minister

Deur on

23 Junie 2022

Die minister in die presidensie, Mondli Gungubele het namens die regering die afname in nuwe Covid-19-gevalle verwelkom.

Hy en die minister van gesondheid, dr. Joe Phaahla het vanoggend ‘n mediakonferensie gehou om terugvoer te gee oor die kabinetsvergadering wat gister gehou is. Laat gisteraand het die regering aangekondig dat die gesondheidsregulasies geskrap word, wat beteken dat die dra van maskers nie meer nodig is nie.

LEES OOK: VAARWEL MASKERS

Phaahla het hulde gebring aan die persone wat weens Covid-19 oorlede is. Hy het ook namens die regering alle Suid-Afrikaners bedank vir hulle samewerking gedurende die tydperk.

Phaahla sê die beste manier om jouself teen die virus te beskerm, bly steeds die Covid-19-entstof.

“Alhoewel ons nie ons doelwit bereik het om 70% van die volwasse bevolking in te ent nie, is daar teen 22 Junie 36-miljoen dosisse toegedien. 20-miljoen volwassenes is ingeënt en 1,9-miljoen kinders tussen 12- en 17 jaar oud is ingeënt.”

LEES OOK: KYK: SUID-AFRIKANERS REAGEER OP NUUS OOR MASKERS

Die afskaffing van die regulasies beteken volgens hom dat die dra van maskers binnenshuis nie meer verpligtend is nie, daar is geen meer beperking op byeenkomste nie en wanneer buitelanders die land binnekom is dit nie meer nodig vir ‘n inentingsbewys of negatiewe Covid-19-toets nie.

Hy sê dit is egter belangrik om te onthou dat hoewel die gesondheidsregulasies tot ‘n einde gekom het, is dit nog nie die einde van Covid-19 nie en is die virus steeds ‘n werklikheid.


Current track

Title

Artist