Ramaphosa “vind sy pen” en bekragtig NGV

Deur on

15 Mei 2024

President Cyril Ramaphosa het vanmiddag die Wetsontwerp op Nasionale Gesondheidsversekering – die NGV – by die Uniegebou bekragtig.

Die minister van gesondheid, dr Joe Phaahla het tydens die ondertekeningseremonie gesê dat privaat gesondheidsdienste die meeste Suid-Afrikaners nié beskore is nie omdat hulle dit nie kan bekostig nie.

Hy sê die NGV stem ooreen met die regering se doelwitte om alle Suid-Afrikaners gelyke regte te gun.

Volgens Phaahla oorweeg die regering die NGV reeds sedert 1994. Hy het benadruk dat die ondertekening nié ‘n verkiesingsfoefie is nie en dat daar genoeg konsultasie en openbare verhore plaasgevind het.

Hy sê hierdie ondertekening is ‘n groot oomblik vir die land, en meen dit is, sóós beurtkrag moontlik onder president Cyril Ramaphosa se leierskap.

Volgens Ramaphosa bedien die private sektor ‘n klein deel van die bevolking teen ‘n hoër koste sonder ‘n werklike verbetering in sorg. Ramaphosa sê die NGV gaan in dele geïmplementeer word en gaan nie oornag gebeur nie.

Hy het die oomblik as ‘n keerpunt in die geskiedenis beskryf.


Lees verder

Current track

Title

Artist