Parys-waterkrisis: VF Plus dring aan op ministeriële ingryping

Deur on

27 Julie 2021

Die VF Plus sê Parys in die Vrystaat gaan reeds vir jare lank gebuk onder waterprobleme, maar nou sit inwoners weer alreeds vir drie weke sonder water.

Die VF Plus-LP, Tammy Breedt sê die party het ‘n skrywe gerig aan die minister van menslike nedersettings, water en sanitasie, Lindiwe Sisulu, om spoedige ingryping te versoek weens dié dorp, wat al vir maande lank, beurtwater in sekere gebiede het.

LEES OOK: NOORDWES SE WATER NIÉ AFGESNY

“Die Ngwathe-plaaslike munisipaliteit (Parys, Edenville, Heilbron, Koppies, Vredefort) gaan gereeld gebuk onder sy eie rioolprobleme sowel as aangrensende munisipaliteite se riool wat stroomaf tot in Parys vloei en ‘n onleefbare situasie skep,” sê Breedt.

Volgens haar word die situasie vererger weens die aantal aftreeoorde en ouetehuise in die betrokke gebied. ” Dit is ‘n groot risiko vir bejaardes en die gemeenskap as geheel en die nakoming van Covid-19-protokolle word onmoontlik gemaak.”

LEES OOK: RAND WATER MAAK KLAGTES AANHANGIG WEENS “BELEDIGENDE” E-POSSE

Sy sê watertenks wat veronderstel is om inwoners te help, is onbetroubaar en meestal afwesig. Hierdie watertenks word teen groot koste gehuur aangesien Ngwathe nie sy eie watertenks het nie.

“Indien die ANC-regering deurlopend die infrastruktuur in stand gehou het met die munisipale infrastruktuurtoelaag tot sy beskikking, sou die haglike situasie vermy kon word,” sê Breedt.

Hou Afrikaans op die lug

Klik hier


Current track

Title

Artist