Parlement: Verdagte voorlopig met paranoïese skisofrenie gediagnoseer

Deur on

11 Januarie 2022

Die 49-jarige man, wat daarvan beskuldig word dat hy die brand by die parlement in Kaapstad begin het, Zandile Christmas Mafe se regspan wil voortgaan met sy borgtogaansoek.

Hy het vanoggend weer vlugtig in die Kaapstad landdroshof verskyn en word deur advokaat Dali Mpofu verteenwoordig, wat ook al oud-president Jacob Zuma se regsake behartig het. 

LEES OOK: PARLEMENT SE SPRINKELKLEP NIE GEDIENS NIE, LUIDENS ONDERSOEK

Behalwe vir brandstigting, roof, die besit van ‘n plofbare toestel en die vandalisering van ‘n sleutelgebou, is ‘n klag van terreur ook by Mafe se klagstaat gevoeg. Dit word beskou as ‘n skedule ses oortreding.

Mpofu sê hulle gaan voort met die borgtogaansoek ondanks die voorlopige diagnose van paranoïese skisofrenie. Hulle voer onder meer aan dat sy diagnose nie verband hou met sy borgtogaansoek nie.

“Mafe is al reeds byna 10 dae in polisieaanhouding. Ondanks sy diagnose, hy bly ‘n mens,” het Mpofu aangevoer.

LEES OOK: “VERBAND TUSSEN ONLUSTE, BRAND BY PARLEMENT EN GRONDWETHOF-AANVAL,” SÊ NZIMANDE

Intussen was daar ‘n groep mense wat buite die hof ‘n optog ter ondersteuning van Mafe gehou het. Hulle meen hy moet vrygelaat word.


Current track

Title

Artist