Onluste wys waarom die wapenwet gestop moet word, sê Vrystaat Landbou

Deur on

22 Julie 2021

Vrystaat Landbou sê in ‘n verklaring dat die onlangse onluste in KwaZulu-Natal en Gauteng opnuut gewys het waarom die vuurwapenwet gestop moet word. 

Die vise-president van Vrystaat Landbou, Tommie Esterhuyse sê die organisasie doen weereens ‘n beroep op die publiek om kommentaar op die Wysingswet op Vuurwapenbeheer te lewer. 

Hy meen die onlangse gebeure in die twee provinsies, tesame met President Cyril  Ramaphosa se erkenning dat die staat onvoorbereid was om die grootskaalse plundering en beskadiging van eiendom aan te spreek, het weereens die klem op die reg tot selfverdediging geplaas.

LEES OOK: VUURWAPENS: VOORGESTELDE WYSIGING WYD GEKRITISEER

Esterhuyse meen in talle gevalle was dit gemeenskapslede uit alle kulture wat telkens die laaste versperring tussen grootskaalse plundering en vernietiging in hul gemeenskappe was.

“Dit is aanduidend van die belangrikheid van die publiek se vermoë om in
selfverdediging te kan optree en in daardie opsig maak die voorgestelde wysiging wat vuurwapenlisensiëring vir selfverdediging doeleindes wil verwyder, hoegenaamd nie sin nie.”

LEES OOK: AFRIFORUM: “ANC SE STILSWYE OOR EIE VUURWAPENS DUI OP DUBBELE STANDAARDE”

Daar is tyd tot 2 Augustus 2021 om skriftelike kommentaar in te dien. VL het ’n veldltogblad beskikbaar gestel vir submissies teen hierdie wet. Die submissies wat op hierdie blad gemaak word sal aan die parlement oorhandig word.

Hou Afrikaans op die lug

Klik hier


Current track

Title

Artist