Onluste: Peperduur, gesteelde leerbank gevind; een stuk steeds weg

Deur on

27 Julie 2021

Die blou, egte, leer hoekbank ter waarde van ongeveer R68 000, wat tydens die onlangse plundery by die Leather Gallery in Springfield in Durban gesteel is, is glo gevind – maar een van sy stukke is weg.

‘n Foto van dié peperduur bank in ‘n informele nedersetting, is te midde van die onluste vroeër vandeesmaand op sosiale media gedeel nadat dit gesteel is.

Die Leather Gallery het toe ‘n beloning aangebied vir die persoon wat die stel kan opspoor. 

Volgens Times Live het die polisie dié bank gister in stukke opgespoor. Die Leather Gallery het nou weer ‘n beloning aangebied – die keer vir die stuk wat die hoekstel volledig sal maak.

Die bank is tans by die Sydenham polisiestasie in Durban. Die eienaar van die winkel, Greg Parry het aan Times Live gesê dat dié bank in ‘n slegte toestand is omdat dit lyk asof die bank die afgelope twee weke in die wind en weer gestaan het.

Die bank. Omkring is sy vermiste stuk.
Die bank nadat dit gevind is.

Hou Afrikaans op die lug

Klik hier


Current track

Title

Artist