Onderwysdepartement gevra oor stelling dat entstofregistrasie “verpligtend” is

Deur on

4 Mei 2021

Die burgerregte-organisasie AfriForum sê hul soek meer duidelikheid by die departement van basiese onderwys oor die stelling wat dié departement in ’n mediaverklaring gemaak het dat ouers en voogde van leerders verplig sal word om te registreer as deel van die departement van gesondheid se inentingsprogram.

Die bestuurder vir onderwysregte by AfriForum, Natasha Venter sê die organisasie is nie gekant teen die toediening van die entstof nie, maar meen dit behoort egter elke persoon se keuse te wees of hy/sy, asook sy/haar kinders, ingeënt wil word.

Volgens Venter het president Cyril Ramaphosa herhaaldelik benadruk dat niemand verplig sal word om ingeënt te word nie, maar meen die departement se stelling oor verpligte registrasie vir die inentingsprogram strook nie hiermee nie.

Sy sê die organisasie wil onder meer by die departement weet wat die doel van die registrasie is, of ouers en voogde verplig gaan wees om te registreer en of leerders by openbare skole gedwing sal word om die entstof te kry.

Volgens Venter dui alle navorsing daarop dat kinders en jongmense die simptome van die virus minimaal indien enigsins ervaar.

Sy meen dit maak dus nie redelikerwys sin dat só ’n register nodig is nie.

Hoop, Glo, Leef in Afrikaans.
Jou ondersteuning versterk Afrikaanse media. Hou jou taal op die lug.
Klik hier.


Current track

Title

Artist