17 April 2024
Die hooggeregshof in Pietermaritzburg het oud-president Jacob Zuma se saak – om advokaat Billy Downer en die joernalis, Karyn Maughan te vervolg – van die rol geskrap.
Zuma het Downer en Maughan daarvan beskuldig dat hulle ‘n doktersbrief onwettig aan die media uitgelek het.
Verlede jaar is die saak uitgestel terwyl Zuma teen twee hofbevele – wat Downer en Maughan verkry het om die saak te stop – geappelleer het. In die eerste een is die vervolging ongeldig verklaar en die tweede was ‘n interdik om die eerste bevel af te dwing.
Zuma het in albei die Hoogste Hof van Appèl en die Konstitusionele Hof verloor.
Regter Nkosinathi Chili het beslis dat dié uitspraak afhang van die sukses van Zuma se appèl – teen ‘n hofinterdik – in die konstitusionele hof.
