Oud-president Jacob Zuma – tans die president van die MK-party – het aangekondig dat hy ‘n hooggeregshofaansoek bring teen sy skorsing uit die ANC.
Zuma sê dit is onaanvaarbaar dat die ANC – onder leiding van Cyril Ramaphosa- sy 65 jaar-lange lidmaatskap eensydig kan opskort.
Volgens die MK-party val die hofaansoek doelbewus saam met vandag se sewentigste herdenking van die opstel van die sogenaamde Vryheidsmanifes.
Zuma voer aan dat die ANC se optrede teenstrydig is met die gees van dié dokument – wat destyds deur die ANC opgestel is as ‘n oogmerkdokument vir die omverwerping van die vorige bedeling.
