8 Februarie 2023
Die aanlyn-vergaderingsplatform, Zoom word genoodsaak om sowat 1300 van sy werknemers af te lê na afloop van die Covid-19-pandemie.
Die uitvoerende hoof en stigter van Zoom, Eric Yuan, het dié nuus onlangs bevestig. Volgens hom kom die afleggings neer op 15% van die diens se totale werksmag.
Hy sê hy én ander bestuurders binne die maatskappye sal ook hulle salarisse verminder, terwyl hulle met planne vorendag kom om die maatskappy te probeer red.
Zoom se werksmag het in twee jaar verdriedubbel weens die Covid-19-pandemie. Gedurende die ergste vlakke van die pandemie het sowat 200-miljoen mense daagliks op Zoom aangemeld.
Weens die feit dat talle mense weer terug by die kantoor is, en vergaderings in persoon kan hou, maak minder mense van Zoom gebruik.
