19 September 2023
Sosiale media-gebruikers is woedend vir die eienaar van die sosiale media-platform, X, wat voorheen bekend gestaan het as Twitter omdat hy dit oorweeg om alle X-gebruikers intekeningsfooie te laat betaal.
Volgens Elon Musk sal ‘n betaling om aan te sluit voorkom dat mense fop-profiele skep om ander gebruikers op sosiale media te teiken. Tans betaal mense net vir X-premium, wat verskeie voordele vir die gebruiker inhou.
Musk meen die koste sal glad nie buitensporig wees nie. “Elke keer as ‘n sogenaamde bot (of fop-profiel) geskep word word moet die gebruiker daarvoor betaal.”
Hy sê 550-miljoen mense is by X geregistreer, terwyl daar sowat 200-miljoen plasings per dag is. Weens Musk se planne om geld te eis, en kommer oor sy leierskapstegnieke het advertering die afgelope tyd ‘n afname van 60% beleef.
Foto: Gulf News
