24 Januarie 2023
Die Wêreldgesondheidsorganisasie eis dat owerhede regoor die wêreld onmiddellik moet optree teen substandaard en vervalste medisyne.
Dít volg nadat Gambië, Indonesië en Oesbekistan die afgelope vier maande meer as driehonderd kindersterftes aangemeld het weens besmette hoesstroop.
Die meeste van dié sterftes was kinders onder die ouderdom van vyf.
Volgens die WGO was dié besmette hoesstroop in Indië vervaardig. Dié hoesstroop het na bewering twee giftige chemikalieë, wat as industriële oplosmiddels en vriesmiddels gebruik word, bevat.
