21 September 2023
Die parlement in Iran het ‘n voorgestelde wetsontwerp op die kleredrag van vroue goedgekeur.
Dit beteken vroue kan binnekort tien jaar gevangenisstraf of ‘n swaar boete opgelê word, indien hulle nie volgens die wetgewing aantrek nie.
Die wetsontwerp is daarop gemik om vroue te identifiseer wat “onvanpas of onkuis geklee is” en die wette in die openbaar of in die kuberruim minag.
Die rede daarvoor is glo om families te ondersteun, deur die kultuur en reinheid van die hidjab te bevorder. Volgens menseregtekenners van die Vernigde Nasies het dié wetsontwerp ten doel om vroue tot onderdanigheid te dwing.
Dié voorstel moet egter nog deur die beskermingsraad – wat uit 12 mans bestaan – goedgekeur word, voordat die wet in werking kan tree.
