15 Maart 2023
Die omstrede haatspraak wetsontwerp is gister deur die Nasionale Vergadering (NV) aanvaar.
Die wetsontwerp is na die Nasionale Raad van Provinsies (NRP) verwys om dit ook te oorweeg. Indien dit dáár deurgevoer word, sal dit na president Cyril Ramaphosa verwys word om as wet bekragtig te word.
Die ANC, EFF, IVP, Good, NFP en die PAC het ten gunste daarvan gestem. Die voorsitter van die portefeuljekomitee oor justisie en korrektiewe dienste, Gratitude Magwanishe het namens die ANC gesê dat ‘n duidelike boodskap gestuur moet word dat enige gedrag wat deur haat gemotiveer word nié geduld sal word nie.
Opposisiepartye meen egter die wetsontwerp is ongrondwetlik.
Die VF Plus-LP Jaco Mulder sê die wet gaan rassewrywing veroorsaak, eerder as om dit te voorkom. Die DA-LP, Werner Horn sê die wetsontwerp is ongrondwetlik gebrekkig.
Die IVP het op sy beurt gesê die wetsontwerp kan ook misbruik word om politieke opponente en kritici stil te maak.
