14 Maart 2023
Die gesondheidsombudsman, prof. Malegapuru Makgoba het vandag in sy verslag na omstandighede by die Rahima Moosa-hospitaal vir moeders en kinders gesê daar is drie woorde wat herhaaldelik opgeduik het in onderhoude met belanghebbendes.
Hy sê in 34 onderhoude het die woorde ‘onveilig’, ‘morsig’ en ‘vuil’ herhaaldelik voorgekom.
Makgoba se jaar-lange ondersoek volg op verskeie klagtes oor dié hospitaal aan die Wes-Rand.
Enkele van die bevindings was dat die uitvoerende hoof meestal afwesig was en dat pasiënte – wat swanger vroue ingesluit het – dikwels op die vloer moes slaap.
Hy sê dit is duidelik dat daar nie ag geslaan is op die waardigheid van pasiënte nie.
