29 November 2022
Statistieke Suid-Afrika (SSA) het bekend gemaak dat die werkloosheidsyfer in die derde kwartaal – sowel as die uitgebreide werkloosheidsyfer in dié tydperk – met ‘n persentasiepunt gedaal het.
Dit verteenwoordig die tweede grootste daling nóg op ‘n kwartaalgrondslag en beteken dat die land se werkloosheid nou op dieselfde vlak staan waar dit in die eerste kwartaal van verlede jaar was.
Die amptelike werkloosheidskoers staan nou op 32,9% terwyl die uitgebreide werkloosheidskoers op 43,1% staan.
Volgens die statistiekdiens beteken dit dat daar in die derde kwartaal byna 270 000 minder mense werkloos was as in die voorafgaande kwartaal.
Nagenoeg 7,7-miljoen mense in Suid-Afrika is steeds werkloos.
