6 September 2022
‘n Persoon met tatoeëermerke kan sy werkgewer voor die hof daag indien daar teen die persoon gedriskrimineer word omdat hy/ sy ‘n tatoe het.
Dit kom nadat die minister van polisie, Bheki Cele onlangs gesê het dat persone wat tatoeëermerke het “is bendelede en dat die polisie hulle daarom nie indiens sal neem nie.”
Die direkteur van die regsfirma, Cliffe Decker Hofmeyr, Hugo Pienaar sê die land se wette spesifiseer nie noodwendig oor tatoes nie, maar individualiteit word wel beskerm. Volgens Pienaar kan ‘n werkgewer uitgedaag word in die hof al sê die werksplek se beleid anders.
Business Tech het onlangs gesê dat die hof geneig is om werkgewers se kant te kies oor persoonlike voorkoms. Pienaar sê ‘n werknemer sal in ‘n hof moet bewys dat ‘n tatoe deel vorm van persoonlike identiteit.
