23 Augustus 2024
Die wêreld se tweede grootste diamant is in Botswana ontgin.
Volgens die Kanadese mynmaatskappy wat die steen ontgin het, Lucara Diamant Corporation, is die steen van 2 492 karaat by die Karowe diamantmyn ontdek.
Lucara se president, William Lamb, het nie aangedui wat die waarde van die steen is nie, maar het aangedui dat hull in ekstasie is oor die vonds. Anonieme bronne het egter aan die Britse koerant, die Financial Times gesê dat die diamant tot $40-miljoen of sowat R720-miljoen.
Die grootste diamant wat nog ooit ontdek is, die Cullinan van 3 016.75 karaat, is in 1905 by Cullinan – oos van Pretoria – ontdek. Hierdie diamant is in nege kleiner stukke opgedeel, waarvan die meeste in die Britse kroon gesien kan word.
