18 Junie 2021
Die weermag sal in Gauteng ontplooi word om te help met die toets van Covid-19 pasiënte.
Die waarnemende minister van gesondheid, Mmamaloko Kubayi-Ngubane hou vanoggend ‘n mediakonferensie oor die jongste rakende die derde vlaag van Covid-19 infeksies.
LEES OOK: MINISTER: “MASSA-TOETSING VIR COVID-19 WEER NODIG IN GAUTENG”
Sy sê die ontplooiing van die weermag is gister goedgekeur, na ‘n vergadering met die minister van verdediging.
Sy het ook ‘n waarskuwing gestuur aan diegene wat nie voldoen aan die inperkingsmaatreels nie. Volgens Kubayi-Ngubane is die gesondheidsdepartement veral bekommerd oor die aktiwiteite wat nog in Gauteng plaasvind.
LEES OOK: GESONDHEIDSDEPARTEMENT BEKOMMERD OOR COVID-19-GEVALLE IN GAUTENG
“Daar is ook nog mense wat betoog of aan onwettige saamtrekke deelneem. Al is daar beperkings daarop geplaas,” sê sy.
Kubayi-Ngubane sê diegene wat nie voldoen aan die maatreëls nie, plaas hulle vriende en geliefdes in gevaar.
