4 November 2022
Die Suid-Afrikaanse Weerdiens het ‘n weerwaarskuwing uitgereik wat waarsku teen erge donderstorms met ‘n moontlikheid van swaar reën, hael, sterk wind, plaaslike oorstromings en weerlig.
Volgens die weerdiens geld dié waarskuwing vir Gauteng, asook die suid-weste van Limpopo, die westelike Hoëveld van Mpumalanga, die westelike deel van die Vrystaat sowel as die oostelike dele van die Noord-Kaap.
Die betrokke nooddienste sal op ‘n hoë gereedheidsgrondslag wees om hulp te verleen waar nodig.
‘n Beroep is op motoriste gedoen om laagwaterbrûe te vermy en mense word aangeraai om nie naby riviere te gaan tydens dié donderstorms nie.
