10 Januarie 2023
Rand Water en Johannesburg Water sê inwoners in sekere dele van die stad sal Donderdag en waarskynlik Vrydag sonder water wees weens instandhoudingswerk wat gedoen moet word.
Volgens Rand Water se woordvoerder, Makenosi Maroo sal die water môremiddag om 17:00 afgeskakel word en sal na verwagting tot 13:00 Vrydagmiddag duur.
Hy sê ‘n waterklep moet dringend vervang word.
Inwoners in groot dele van die noorde van Johannesburg, insluitend, Bryanston, Morningside, Illovo, Linbro Park en omliggende gebiede word aangeraai om voor te berei vir die tydelike wateronderbreking.
Maroo sê die nodige voorsorg sal getref word om toe te sien dat die reservoirs vol is, maar mense gaan water steeds spaarsaam moet gebruik.
