Die organisasie wat hom beywer vir waterregte, WaterCAN, sê die onlangse waterkrisis in Johannesburg is ‘n aanduiding van die broosheid van die stad se waterstelsels.
Inwoners in talle woonbuurte sit die afgelope twee weke gereeld sonder water sonder dat die metroraad die stand van sake behoorlik verduidelik.
Die uitvoerende hoof van WaterCAN, dr. Ferrial Adam, het die krisis toegeskryf aan wanbestuur en ‘n gebrek aan leierskap van stadsamptenare.
Adam sê dit is nie voldoende om die watertekort aan ‘n kragonderbreking toe te skryf nie, want daar is veronderstel om genoeg water in reservoirs te wees in geval van nood.
