13 September 2023
Die Johannesburgse-metroraad het sy woord gestand gedoen en het begin om skuldinvordering van agterstallige diensterekeninge by padblokkades van die stad se metropolisie te doen.
Die finansiële hoof van Johannesburg, Tebogo Moraka sê amptenare met skootrekenaars vergesel sedert verlede week metropolisiebeamptes na padblokkades waar inwoners se rekeningbesonderhede op die plek nagegaan word.
Agterstallige inwoners is óf verplig om hul skuld te betaal óf ‘n erkenning van skuld te onderteken.
Moraka sê die amptenare dring hulself nie op inwoners af met dreigemente of in hegtenisneming nie, maar poog slegs om die agt-en-veertig-miljard rand – wat aan die metroraad verskuldig is – in te vorder.
Foto: iAfrica
