5 Februarie 2025
Die burgemeesterskomiteelid vir vervoer in die Tshwane-metro, Tlangi Mogale, het bevestig dat hulle op een van die e-vervoerdiens – Wanatu – se voertuie beslag gelê het.
Dit volg nadat ‘n bestuurder na bewering nie ‘n bedryfslisensie kon toon nie.
Mogale het bevestig dat die voertuig verlede week deur beamptes van die Tshwane-metropolisie geskut is. Wanatu voer aan dat hy hoofsaaklik kinders in en om Centurion vervoer.
Die stad het nou die saak na die Vervoerbedryfslisensie-administrasieraad verwys.
Die saak is ook na die Menseregtekommissie geëskaleer, omdat Wanatu – volgens Mogale – slegs Afrikaanssprekende bestuurders in diens neem.
Wanatu het intussen bevestig dat sy dienste tydelik opgeskort is en beskuldig die metropolisie van intimidasie. Die diens sê hulle sal regstappe doen.
