24 Junie 2023
Die leier van die Wagner-huursoldaatgroep, Yevgeny Prigozhin het sy soldate opdrag gegee om nie na Moskou toe te gaan nie en om eerder om te draai en terug te keer na hulle basisse.
Die Wagner-groep was van plan om ‘n opmars na Moskou te hou nadat missielaanvalle glo ‘n Wagner-kamp geteiken het. Talle van die soldate is dood. Die Russiese president, Wladimir Poetin het Wagner se beplande optog na Moskou as hoogverraad beskou.
Volgens Putin het Prigozhin die Russiese regering in die rug gesteek.
Prigozhin het glo gesê dat sy soldate nie die reis moet voltooi nie omdat hy ‘n bloedbad wil vermy. Dit kom enkele ure nadat hy gesê het dat hy en sy 25 000 soldate nie bang is om dood te gaan nie.
