8 April 2022
Die Suid-Afrikaanse ambassadeur na Oekraïne, André Groenewald sê hulle dra kennis van vyf Suid-Afrikaanse gesinne wat hulle nog in dié land bevind.
Volgens Groenewald is die gesinne van mening dat hulle veilig is en wil hulle nie in dié stadium die land verlaat nie.
Die ambassadeur het ook gesê dat die departement van internasionale betrekkinge en samewerking 52 studente bygestaan het om uit die oorlogsgeteisterde land te vlug.
Die meeste daarvan is mediese studente wat intussen aangedui het dat hulle sukkel om hulle studies in Suid-Afrika voort te sit, en Hongarye het aangebied om dié studente te help.
