22 April 2022
Vyf mense is dood na ‘n kop-aan-kop botsing tussen ‘n motor en ‘n vragmotor, vroeër vanmiddag op die R57 buite Heilbron in die Vrystaat.
Die woordvoerder van die ER24-nooddienste, Russel Meiring sê paramedici is omstreeks 13:45 na die toneel ontbied.
Hy sê die motor was byna onder die vragmotor en was aan die kant van die pad. Die liggame van drie vroue en twee mans is binne-in die motor gevind. Hulle is op die toneel dood verklaar. Die vragmotorbestuurder het geen beserings opgedoen nie.
Volgens Meiring was die plaaslike owerhede op die toneel om ondersoek in te stel.
