2 Februarie 2022
Vyf mense is dood en twee is beseer in ‘n ongeluk tussen twee ligte motors gisteraand op die N12 buite Fochville in Gauteng.
Die ER24-woordvoerder, Russel Meiring sê paramedici is omstreeks 20:20 gisteraand na die toneel ontbied. Hy sê vier mans, twee in elke voertuig was vasgekeer en is op die toneel dood verklaar.
‘n Vrou in haar twintigs, wat aanvanklik kritiek beseer is, is later in die hospitaal oorlede.
Meiring sê twee mans, wat vermoedelik die bestuurders van die twee motors was, het ligte beserings opgedoen. Die plaaslike owerhede was op die toneel om ondersoek in te stel.
