18 Augustus 2022
Vyf leerlinge van die Hillcrest Hoërskool in Durban is geskors nadat hulle na bewering rassistiese uitlatings teenoor ander leerlinge gemaak het.
Dit kom nadat boodskappe, van ‘n jaar gelede op ‘n private WhatsApp-groep aan die lig gekom het. Die voorsitter van die beheerliggaan, Byron Creed het bewerings ontken dat die skool die voorval onder die mat ingevee het.
Hy sê ‘n dissiplinêre verhoor is in Junie gehou nadat ‘n skermskoot van die boodskappe op sosiale media versprei is. In die boodskappe word die N- en K-woorde glo herhaaldelik gebruik. Creed het egter benadruk dat die groep privaat is en nié aan die skool verwant is nie.
Intussen is die nuwe LUR vir onderwys in KwaZulu-Natal, Mbali Frazer op pad na die skool om ondersoek in te stel.
