10 November 2021
Vyf familielede is dood nadat hulle vroeg vanoggend vasgevang was in ‘n brandende huis in die weste van Pretoria.
Die Tshwane-nooddienste is vanoggend omstreeks 01:30 na die huis ontplooi. Met hul aankoms was die huis reeds in ligte laaie. Volgens die nooddienste se woordvoerder, Charles Mabaso het die plafon van die huis ook reeds inmekaar geval toe brandbestryders by die toneel aankom.
Die oorledenes is 6-,18-,22-, 24- en 46 jaar oud.
‘n 45-jarige vrou en haar 3-jarige seun het die brand oorleef.
Mabaso sê die oorsaak van die brand is nog onbekend.
Stem vir die Aitsa’s
