25 Februarie 2022
Die Amerikaanse minister van buitelandse sake Antony Blinken sê hy is van mening dat Rusland van plan is om die regering in Oekraïne omver te werp.
Volgens Blinken is Rusland van plan om die hoofstad Kiev te omsingel, met Russiese troepe wat reeds oppad na die hoofstad is van drie kante af. Rusland het vanoggend voortgegaan met sy aanvalle op Ukraine.
‘n Langafstand missiel is vanoggend afgeskiet bo die hoofstad Kiev. ‘n Aantal ander ontploffings is ook in die stad gehoor.
Oekraïne het op sy beurt gesê hy bied teenstand, en beweer hy het gister meer as 800 Russiese troepe gedood.
Die Europese Unie het ook ‘n rits nuwe sanksies teen Rusland aangekondig, wat beoog om die land se finansieele, energie, en vervoer sektore te kniehalter.
Die Europese Kommissie se president Ursula von der Leyen sê die sanksies het ten doel om streng gevolge in te hou vir die Russiese ekonomie en die politieke elite.
Die aankondiging volg op die van die Amerikaanse president Joe Biden, wat ook gisteraand nuwe, strenger sanksies teen Rusland aangekondig het.
Biden het ook aangekondig dat 7,000 Amerikaanse troepe na Duitsland stuur ter ondersteuning van sy Navo-bondgenote wat reeds op ’n gereedsheidsgrondslag is.
Hy het egter benadruk dat hulle nie in Oekraïne ontplooi sal word nie.
Biden sê Amerika se magte is nie en sal nié betrokke raak by die konflik met Rusland in Oekraïne nie.
