26 Mei 2023
Die departement van gesondheid in die Vrystaat het inwoners van dié provinsie gewaarsku om alle waterbronne as ‘n gesondheidsrisiko te ag.
Dit volg nadat die eerste sterfte weens Cholera in die huidige uitbreking in dié provinsie aangemeld is. Volgens ‘n DA-lid in die Vrystaatse wetgewer, Leona Kleynhans is net 20% van die rioolaanlegte in die provinsie in ‘n werkende toestand.
LEES OOK: KOMITEE BESOEK VANDAG HAMMANSKRAAL OOR CHOLERA
‘n Vrou van Vredefort in die Noord-Vrystaat is dood terwyl minstens twee pasiënte in die hospitaal op die naby-geleë Parys opgeneem is. Volgens Kleynhans hoop hulle dat die uitbreking nie verder sal versprei nie aangesien daar reeds ernstige waterprobleme in Qwa Qwa is wat beteken dat mense water skep uit riviere en strome, wat ernstig besoedel is.
Die departement het ook inwoners gevra om behoorlike hand-higiëne toe te pas in ‘n poging om die siekte hok te slaan.
