21 Februarie 2023
Die premier van die Vrystaat, Sisi Ntombela, gaan bedank.
Die sekretaris-generaal van die ANC, Fikile Mbalula, het vandag tydens ‘n nuuskonferensie bevestig dat sy hom ingelig het van haar voorneme om te bedank. Hy sê hy wag egter steeds op haar bedankingsbrief.
Mbalula beweer dat hy vroeër vandag probeer het om vir Ntombela telefonies te kontak, maar dat sy pogings onsuksesvol was.
Volgens hom sal die provinsiale uitvoerende komitee, die PUK, die aangeleentheid nou verder opneem.
Ntombela het nie ná die ANC se verkiesingkonferensie in Desember die PUK gehaal nie. Volgens Mbalula het die PUK ook vroeër aangedui dat hulle veranderinge aan die provinsiale regering wil aanbring.
