24 November 2021
Die landbou-organisasie, Vrystaat Landbou (VL) eis dat die polisie weer die vermoorde plaasvoorman, Brendin Horner (21) se moord moet ondersoek.
Dit kom nadat die twee verdagtes in sy moord, verlede week op alle aanklagte teen hulle vrygespreek is. Volgens Vrystaat Landbou het hulle ‘n beroep op die minister van polisie, Bheki Cele en die polisiekommissaris in die Vrystaat, luitenant-generaal Baile Motswenyane gedoen om plaasaanvalle- en moorde weer onder die loep te neem.
LEES OOK: MIKE BOLHUIS STUUR ONDERSOEKSPAN NA VRYSTAAT OM MET BRENDIN HORNER-ONDERSOEK TE BEGIN
Horner is in Oktober verlede jaar vermoor. Sy liggaam is aan ‘n paal vasgebind.
Die staat kon tydens die verhoor, wat verlede week begin het, nié vir Sekola Matlaletsa (45) en Sekwetje Mahlamba (33) op die toneel plaas nie. Die voorsitter van VL se landelike veiligheidskomitee, Jakkals le Roux sê dit is vir hulle belangrik dat die polisie ‘n deeglike ondersoek van stapel stuur.
“Moorde en ernstige misdade is aan die toeneem, wat druk plaas op die regstelsel.”
Stem vir die Aitsa’s
