9 November 2021
‘n Vragmotorbestuurder is in Randfontein in hegtenis geneem ‘n week nadat ‘n matriekseun buite Henneman in die Vrystaat doodgery is.
Die 18-jarige Nathan Greyling van die St Dominic’s College in Welkom is verlede Maandagmiddag as vermis aangemeld. Sy liggaam is Dinsdagoggend 5 kilometer buite Henneman langs die pad gevind.
Stukke van ‘n voertuig se koplamp is op die toneel gevind.
Die polisiewoordvoerder, kaptein Stephen Thakeng het ná die voorval gesê dit is duidelik dat iemand hom raakgery het en meen dit kon moontlik ‘n tref-en-trap ongeluk wees. Hy sê inligting is opgevolg, wat daartoe gelei het dat die 60-jarige vragmotorbestuurder gister in hegtenis geneem is.
Hy sal na verwagting môre in die hof verskyn op aanklagte van strafbare manslag.
Stem vir die Aitsa’s
